Gizarte Erantzukizuna
Garatu nahi al duzu zure proiektuaren gizarte-erantzukizuna?
Birziklatu egiten dugu, energia berriztagarria erabiltzen dugu, boluntariotzako proiektuetan elkarlanean dihardugu…Gizarte-erantzukizuna gure bizitzan dago, eta zure enpresan ere bai. Zergatik ez ezagutarazi zure proiektuak aurrera egin dezan?
Gizarte-erantzukizuna gure bizitzan dago. Gizartea, oro har, gero eta konprometituago dago bere ingurunearekin. Zure proiektuarekin zerikusia duten interes-talde guztiek (bezeroek, hornitzaileek, taldeak, komunitateak…) gero eta neurri handiagoan eskatzen dituzte jarduketa jasangarriak eta inpaktu positiboak.
Zure proiektuak berez aplikatzen du ikuspegi hori, baina “ukiezin” deitutakoak (itzulkin ekonomiko espliziturik ez duten ekimenak eta jarduketak) ezagutzeak, ezagutarazteak eta haien kudeaketa kontzientea egiteak hainbat onura ekarriko dizkizu, hala nola kostuen aurrezpena, ospea, berezitasuna edo finantzaketa neurrizkoagoa. Gainera, inpaktu positiboak eragingo dituzu zure ingurunean eta komunitatean.
Laudalkik ikuspegi hori zure estrategian txertatzen lagunduko dizu, aurrera egin ahal izan dezazun eta hazi ahal izan zaitezen:
- Gizarte-erantzukizunaren hiru ardatzak lantzen ditugu, hots, zure proiekturako balioa sortzen duten eta proiektua berezi eta jasangarri bihurtzen duten IGG (ESG ingelesez) faktore izenekoak (ingurumen-, gizarte- eta gobernu-faktoreak).
- GJHei (Garapen Jasangarrirako Helburuei) (ODS erderaz) egiten diezun ekarpena aztertuko dugu, zure proiektuaren inpaktu positiboak ezagutzeko.
- “Ukiezinen” errentagarritasuna kuantifikatuko dugu.
- Zure interes-taldeei zure konpromisoa helaraziko diegu mundu-mailako estandarren (hala nola GRI edo EINF izenekoak) edota gure komunikazio-atalean aurkituko dituzun eta zure proiektura egokituta egongo diren soluzio eraginkor ugarien bidez.
Laudalkin, adituen eskutik egingo duzu bidea. Nafarroako Gobernuak gizarte-erantzukizuneko aholkulari gisa egiaztatu gaitu. Jasangarritasuna txertatzeko bidean lagunduko dizugu soluzio eta metodo sinple eta eraginkorren bidez eta denbora- eta baliabide-inbertsio txikiak eginez.
Ez izan zalantzarik, eta garatu zure proiektuaren gizarte-erantzukizuna. Izan ere, gizarte-erantzukizuna geratzeko etorri da, eta denontzat da atsegingarria, gure proiektuan aurrera egitea ez ezik, gizartearen ongizatean eta ingurumenaren zaintzan laguntzeko gure ekarpen txikia egitea ere bai.
@laudalki